លោកជំទាវ មុំ សណ្តាប់ បានអញ្ជើញដឹកនាំកិច្ចប្រជុំដើម្បីពិនិត្យឆ្លងខ្លឹមសារឯកសារសម្រាប់ត្រៀមធ្វើបទបង្ហាញក្នុងសិក្ខាសាលាពិគ្រោះយោបល់
នាព្រឹកថ្ងៃទី១៣ ខែធ្នូ ឆ្នាំ២០២៣ នៅសាលប្រជុំគណៈកម្មការទី៨ ព្រឹទ្ធសភា លោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា និងជាអនុប្រធានក្រុមសមាជិកាព្រឹទ្ធសភា បានអញ្ជើញដឹកនាំកិច្ចប្រជុំដើម្បីពិនិត្យឆ្លងខ្លឹមសារឯកសារសម្រាប់ត្រៀមធ្វើបទបង្ហាញក្នុងសិក្ខាសាលាពិគ្រោះយោបល់ស្តីពី វិធីសាស្ត្របង្ការជំងឺមិនឆ្លង និងវិធានការដើម្បីកាត់បន្ថយគម្លាតយេនឌ័រដែលបណ្តាលមកពីជំងឺមិនឆ្លង ដែលនឹងប្រព្រឹត្តទៅនៅថ្ងៃទី១៨ ខែធ្នូ ឆ្នាំ២០២៣ នៅសណ្ឋាគារកាំបូឌីយ៉ាណា រាជធានីភ្នំពេញ នាពេលខាងមុខ។
